ፕረዚደንት ሶማልያ ሓሰን ሸኽ መሓመድ፡ ናብ ኣመሪካዊ መዘንኡ ዶናልድ ትራምፕ፡ ኣመሪካ፡ ንኣልሸባብን ኣኽረርቲ ዕጡቓትን ንምምካት ዝሕግዛ፡ ምሉእ ብምሉእ ባዕላ እተመሓድሮም ከም ባሊዶግሉን በርበራን ቦሳሶን ዝኣመሰሉ ወደባትን ወተሃደራዊ መዓስከራትን ክትህባ ቅርብቲ ምዃና ዘረድእ ደብዳበ ከምዝለኣኸ ሮይቶርስ ጸብጺቡ።
እቲ እማመ ሶማልያ ኣብ ቀርኒ ኣፍሪቃ ተሳትፎ ኣመሪካ ንምሕያል ዘለዋ ዕላማ ዘጉልሕ ኮይኑ፡ ኣብቲ ከባቢ ዝቀናቐንኣ ሃገራት ሕልመን ዝገትእ መደብ እዩ።
ኣሜሪካ ኣብ ሶማልያን ጎረባብታን ዝካየድ ዘሎ ቀጻሊ ጸጥታዊ ብድሆታት ንምርግጋእ ወተሃደራዊ ህላወኣን ሎጂስቲክስ ዓቕማን ንምድልዳል ድሌት ከምዘለዋ ክግለጽ ጸኒሑ እዩ።
ይኹን እምበር እቲ ብፕረዚደንት ሓሰን ሸኽ መሓመድ ናብ ትራምፕ ዝተላእከ ደብዳበ ኣብታ ኣህጉራዊ ተፈላጥነት ንምርካብ ጽዑቕ ዲፕሎማሲያዊ ቃልሲ እተካይድ ዘላ ንልዕሊ 30 ዓመት ከም ናጻ ግዝኣት እትግለጽ ሶማሊላንድ ኣመሪካ ብዛዕባ ወደብን መዓስከርን ብቐጥታ ምስ ሶማሊ ላንድ ክትዘራረብ ይግባእ ክትብል ገሊጻ። እቲ ብፕረዚደንት ሓሰን ሸኽ ኣሕመድ ናብ ትራምፕ ዝተላእካ ደብዳበ ኣብ መንጐ ሶማልን እታ ኣህጉራዊ ተፈላጥነት ትጽበ ዘላ ሶማሊ ላንድን ንዘሎ ወጥሪ ከጋድዶ ይኽእል እዩ ዝብል ስግኣት ኣሎ።
ኣብዚ ጂኦፖለቲካዊ ዳይናሚክስ፡ ሶማልያ ምስ ምምሕዳር ትራምፕ ዘለዋ ዲፕሎማሲያዊ ርክብ ንምድልዳልን፡ ኣመሪካ ንሶማሊላንድ ኣፍልጦ ንኸይትህባ ንምግታእ ቢጂኣር ብዝተባህለ ናይ ሎቢ ትካል ኣስታት 600 ሽሕ ዶላር ወፍሪ ከምዝገበረት ይንገር።
ኣብዚ እዋን ኣብ ኮንግረስ ኣመሪካ ንሶማሊላንድን ከም ሃገር ኣፍልጦ ምሃባ ኣብ ዞባዊ ምርግጋእ ቀርኒ ኣፍሪቃ ሰፊሕ ጽልዋ ክህልዎ ይኽእል እዩ ዝብል ሓሳባት ይደጋገም ምህላው ይፍለጥ።
መንግስቲ ሶማል፡ ኣመሪካ ባዕላ እተመሓድሮ ወደባትን መዓስከርን ከምትእህባ ኣፍሊጡ!
Political Analysis
