ሓካይም ኣቡነ ፍራንሲስ ዝከኣሎም ከምዝፈተኑ ብምሕባር እቲ ንብጹእ ወቅዱስ ኣቡን ክግበር ዝጸንሐ ሕክምናዊ ኣገልግሎት ከቋርጹዎ ከምዝወሰኑ ሲኤንኤን ሓቢሩ።
እቶም ወዲ 88 ዓመት ርእሰ ሊቃነ ጳጳሳት ንነዊሕ እዋን ብሕማም ስርዓተ ምስትንፋስ ኣብ ሆስፒታል ተዓቚቦም ክሕከሙ ድሕሪ ምጽናሕ እዮም ሓደ ካብ ሓካይሞም ፕሮፌሰር ሰርጅዮ ኣልፊየሪ ዝከኣሎም ከምዝፈተኑን እቲ እንህቦም መድሃኒታት ንኻልእ ክፍሊ ኣካላት እውን ክሃሲ ስለዝኽእል ንቤቶም ከምለሱ ወሲንና ይብል።ብናይ ምስትንፋስ ጸገም ንሆስፒታል ክመላለሱ ዝጸንሑ ርእሰ ሊቃነ ጳጳሳት ፍራንሲስ ኣብዚ እዋን ንቤቶም ተመሊሶም ብናይ ቀረባ ኣለይቶም ሕክምናዊ ክትትትል ይግበረሎም ኣሎ።
ኣቡነ ፍራንሲስ ልዕሊ 350 ኤርትራውያን ስደተኛታት ኣብ ላምፓዱሳ ብሓደጋ ምስ ሞቱ ናብቲ ቦታ ብኣካል ብምኻድ ናይ ሓዘን ንብዓት ዝነብዑ፡ ንሰበ ስልጣን ኢጣልያ ይኹን ንመላእ ዓለም ምስ ስደተኛታት ክደናገጹን በቶም ብኣጻምእን ማዕበልን ኣብ ንኡስ ዕድመኦም ዝቑጸዩ ዘለው ደቅና ከነስተንትን ይግባእ ክብሉ ተዛሪቦም ነይሮም።
ኣብ መላእ ዓለም ዝርከቡ ምእመናን ከኣ ንርእሰ ሊቃነ ጳጳስ ፍራንሲስ ምሉእ ጥዕና ክረኽቡ ብጾም ጸሎትን ይዝክርዎም ኣለው።
ኣብ ዝመጽእ ወርሒ ንጉስ ቻርለስን ንግስቲ ካሚላን ብሪጣንያ ንኣቡነ ፍራንሲስ ኣብ ቫቲካን ክበጽሑዎምን ዑደት ክገብሩን ሓሳብ እኳ እንተነበረ ብሰንኪ ጥዕና ርእሰ ሊቃነ ጳጳሳት ፍራንሲስ ከምዝተናውሐ ቫቲካን ሓቢራ።
ሓካይም ርእሰ ሊቃነ ጳጳሳት ኣቡን ፍራንሲስ ዝከኣሎም ከምዝፈተኑ ሓቢሮም!
Political Analysis
